ਕਾਹਤੋਂ ਅੱਜ-ਕੱਲ ਬੰਦਾ ਰਹਿੰਦਾ ਸੜਿਆ ਈ ਓਏ-

"ਕਾਲਾ ਡੋਰੀਆ ਕੁੰਡੇ ਨਾਲ ਅੜਿਆ ਈ ਓਏ-

ਕਾਹਤੋਂ ਅੱਜ-ਕੱਲ ਬੰਦਾ ਰਹਿੰਦਾ ਸੜਿਆ ਈ ਓਏ-

ਉੱਡ ਗਏ ਹਾਸੇ ਤੇ ਬਸ ਆਕੜ ਪੱਲੇ ਐ।

ਜੰਮਕੇ ਮਾਂਗੇਆਣੇ, ਲਾਹੌਰ ਨੂੰ ਚੱਲੇ ਐ।

ਕਾਲਾ ਡੋਰੀਆ ਕੁੰਡੇ ਨਾਲ ਅੜਿਆ ਈ ਓਏ-

ਕਾਹਤੋਂ ਅੱਜ-ਕੱਲ ਬੰਦਾ ਰਹਿੰਦਾ ਸੜਿਆ ਈ ਓਏ-

ਦਿਲ ਨੇ ਕਾਲੇ ਤੇ ਬਸ ਚਿੱਟੀ ਚਾਦਰ ਐ-

ਰਹੀਏ ਗਿੱਦੜਬਾਹੇ, ਨਾਂ ਜੰਗ ਬਹਾਦਰ ਐ-

ਮੰਗਿਆ ਹੱਟੀ ਵਾਲਾ, ਹੁਣ ਦੇਵੇ ਬੇਸਣ ਨਾ।

ਹਾਂ ਨਿਕੰਮੇ, ਚੰਦਭਾਨ ਦੇ 'ਟੇਸ਼ਨ ਨਾ।

ਕਾਲਾ ਡੋਰੀਆ ਕੁੰਡੇ ਨਾਲ ਅੜਿਆ ਈ ਓਏ-

ਕਾਹਤੋਂ ਅੱਜ-ਕੱਲ ਬੰਦਾ ਰਹਿੰਦਾ ਸੜਿਆ ਈ ਓਏ-

ਬੋਝੇ ਗਾਜਰਾਂ ਲਾਹੌਰ ਨੂੰ ਚੱਲੇ ਆਂ।

ਹੈਨੀ ਅੱਲਾ ਬੇਲੀ ਕੱਲਮ-ਕੱਲੇ ਆਂ।

ਤੂੰ ਹੀ ਬਾਂਹ ਫੜ ਰੱਬਾ ਕਮਲੀ ਫੱਤੋ ਦੀ।

ਦੇ-ਦੇ ਰੱਬ ਸੱਚਿਆ ਸ਼ੌਕੀਨੀ ਪੱਤੋ ਦੀ।

ਕਾਲਾ ਡੋਰੀਆ ਕੁੰਡੇ ਨਾਲ ਅੜਿਆ ਈ ਓਏ-

ਕਾਹਤੋਂ ਅੱਜ-ਕੱਲ ਬੰਦਾ ਰਹਿੰਦਾ ਸੜਿਆ ਈ ਓਏ-

'ਦਾਨੀ' ਛੱਡ ਚੂਰੀ ਤੇ ਰੁੱਖੀ ਖਾ ਲੈ ਤੂੰ-

'ਫੁੱਲੋ ਮਿੱਠੀ' ਦੇ ਵਿੱਚ ਵਕਤ ਲੰਘਾ ਲੈ ਤੂੰ-

ਕਾਹਤੋਂ ਗੱਲ ਕਰੇ ਤੂੰ ਪਰਖ਼-ਪਛਾਣਾਂ ਦੀ।

ਘਰ-ਘਰ ਨ੍ਹੇਰੀ ਐ ਬਸ ਪੰਜ ਕਲਿਆਣਾਂ ਦੀ।

ਕਾਲਾ ਡੋਰੀਆ ਕੁੰਡੇ ਨਾਲ ਅੜਿਆ ਈ ਓਏ-

ਕਾਹਤੋਂ ਅੱਜ-ਕੱਲ ਬੰਦਾ ਰਹਿੰਦਾ ਸੜਿਆ ਈ ਓਏ-

ਧੰਨਵਾਦ ਸਹਿਤ -

ਗੁਰਦੀਪ ਦਾਨੀ ਪਿੰਡ ਫੁੱਲੋ ਮਿੱਠੀ।

 ਰਿਟਾਇਰਡ ਸਹਾਇਕ ਥਾਣੇਦਾਰ 

 94170- 79316 

 88473-57895