Posts
ਇੱਕ ਅਜਬ ਤਰੀਕੇ ਦਾ ਰਿਸ਼ਤਾ ,ਉਸ ਨਾਲ ਨਿਭਾਈ ਜਾਂਦੇ ਹਾਂ ,
ਓਸੇ ਨੂ ਚਾਹੀ ਜਾਂਦੇ ਹਾ , ਓਸੇ ਤੋਂ ਲੁਕਾਈ ਜਾਂਦੇ ਹਾਂ ..
ਦਮ ਦਮ ਮਾਲਾ ਵੀ ਫੇਰਦੇ ਹਾਂ, ਬੇਸ਼ੱਕ ਓਸੇ ਦੀ ਓਸੇ ਲਈ;
ਤੇ ਦਮ- ਦਮ ਦਮ ਵੀ ਭਰਦੇ ਨਹੀਂ ,ਦੁਨੀਆਂ ਭਰਮਾਈ ਜਾਂਦੇ ਹਾਂ .
ਜੇ ਆਪਣੇ ਚੰਮ ਦੀ ਜੁੱਤੀ ਵੀ ਸੱਜਣਾ ਦੇ ਪੈਰੀਂ ਪਾ ਸਕੀਏ ;
ਓਹ ਮੌਕਾ ਮਨ ਹੀ ਮਨ ਅੰਦਰ ,ਮਲਿਕ ਤੋਂ ਚਾਹੀ ਜਾਂਦੇ ਹਾਂ .
ਓਹ ਭੋਲਾ ਭਾਲਾ ਸੱਜਣ ਏ ,ਜੋ ਜੋਗੀ ਵੀ ਦਿਲਦਾਰ ਵੀ ਏ ;
ਦਿਲ ਜੋਗ ਕਮਾਉਣਾ ਵੀ ਚਾਹਵੇ ,ਧੜਕਨ ਪਰਚਾਈ ਜਾਂਦੇ ਹਾਂ
ਹੁਣ ਦੋਵੇਂ ਸੋਚੀਂ ਡੁੱਬੇ ਆਂ, ਇੱਕ ਮੈ ਵਾਂ ਇੱਕ ਇਹ ਦਿਲ ਅਥਰਾ
ਉਸ ਜੋਗੀ ਜੋਗਣ ਹੋ ਨਿੱਬੜਾਂ ਅਜ਼ਲਾਂ ਤੋਂ ਚਾਹੀ ਜਾਂਦੇ ਹਾਂ.
ਦੀਪ ਜ਼ੀਰਵੀ
No comments:
Post a Comment